HomeRadio Vatikani
Radio Vatikani   
Në gjuhë të tjera  

     Home > Politika >  2013-04-19 19:24:45
A+ A- Printo artikullin



Kosovë: marrëveshje historike, të vihet në jetë menjëherë.



"Marrëveshje historike, që duhet vënë në jetë menjëherë”: Presidenti i Komisionit të Bashkimit Evropian, Josè Manuel Barroso, duartroket përfundimin pozitiv të bisedimeve të vështira ndërmjet Serbisë e Kosovës dhe i përgëzon kryeministrat e të dy vendeve, që treguan impenjim, guxim e vizion. Kam besim se marrëveshja e arritur nga të dyja palët, do të përgatisë terrenin që Këshilli i BE-së të marrë vendime mbi hapat e mëtejshme të Serbisë e të Kosovës drejt Evropës. Kështu do të plotësohet dhe dëshira e qytetarëve të rajonit për ta bërë realitet perspektivën evropiane. E kjo është vendimtare për stabilitetin, sigurinë dhe prosperitetin e Evropës jug-lindore dhe të Bashkimit Evropian, në tërësi.
Një hap i madh përpara për paqen e sigurinë në rajon – kështu u shpreh sekretari i përgjithshëm i Natos, Rasmusen për marrëveshjen e nënshkruar në Bruklsel. Do t’i japë një shtytje të re integrimit euro-atlantik të Ballkanit perëndimor, shtoi.Edhe Franca e përshëndeti marrëveshjen historike, si hap i pashembullt për të përmirësuar marrëdhëniet ndërmjet dy vendeve e dhe për t’u krijuar popullsive mundësinë të ecin të sigurtë drejt një ardhmërie më të mirë. E pohoi këtë zëdhënësi i Ministrisë së Jashtme, Philippe Lalliot.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama