HomeRadio Vatikani
Radio Vatikani   
Në gjuhë të tjera  

     Home > Të rinjtë  >  2013-05-15 16:12:35
A+ A- Printo artikullin



Kryeipeshkvi i Rios ia kushton DBR-në Zojës së Fatimës.



Kryeipeshkvi i Rio-de-Zhanéjros, imzot Orani João Tempesta, ia kushtoi Ditën e ardhshme Botërore të Rinisë, që do të kremtohet nga 23 deri më 28 korrik, në qytetin Brazilian, Zojës së Fatimës. Kushtimi u kremtua të hënën e kaluar, në Fatima të Portugalisë, në festën e Zojës së Fatimës. Në aktin e kushtimit, prelati ia porositi ndërmjetësimit të Virgjërës Mari gjithë të rinjtë, posaçërisht ata, që vuajnë, që janë viktima të dhunës e të braktisjes, të papunët e të përjashtuarit nga radhët e shoqërisë. Në Kova da Iria, vend ku Zoja iu duk tre barinjve, kryeipeshkvi lypi edhe ndërmjetësimin për Komitetin organizator si dhe për vullnetarët, që kanë nisur prej kohe punën për përgatitjen e takimit të madh rinor në Rio. “Të lutemi, që Dita Botërore e Rinisë të jetë përvojë e jashtëzakonshme e takimit të të rinjve me Jezusin, tha imzot Tempesta. E që ky takim i të rinjve me Krishtin, të shërbejë për të formuar dishepuj e misionarë të vërtetë të Zotit, në një shoqëri që vijon të ndërrojë fytyrë çdo çast”.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama