HomeRadio Vatikani
Radio Vatikani   
Në gjuhë të tjera  

     Home > Të rinjtë  >  2013-06-28 18:46:22
A+ A- Printo artikullin



DBR 2013: në Brazil, edhe 120 të rinj nga Toka e Shenjtë.



Janë 120, të rinjtë e Tokës së Shenjtë, regjistruar tashmë për të marrë pjesë në Ditën Botërore të Rinisë të Rio-De-Zhanéjros. Do t’i kryesojë imzot William Shomali, ipeshkëv-ndihmës i Patriarkatit latin të Jeruzalemit për Palestinën. Grupi, njofton agjencia Sir, po përgatitet prej disa javësh për ngjarjen e madhe e, sipas Patriarkatit, çdo të diel të rinjtë palestinezë (nga Jeruzalemi, deri në Ramallah) mblidhen në Ramallah, ku përgatiten shpirtërisht e logjistikisht. Ndërsa të rinjtë e Galilesë përgatiten me Udhën e re katekumenale. Takimet u krijojnë të rinjve mundësinë të njihen para nisjes e, sidomos, të reflektojnë për temën e Ditës “Shkoni e bëni nxënës të mi të gjithë popujt”. Grupi do të niset më 13 korrik në drejtim të Niteroi-t (Rio-De-Zhanéjro) për javën misionare; e pastaj, në drejtim të Rios, ku të rinjtë do të takohen me Papën Françesku. Imzot Shomali shpreson shumë se ky çast takimi do të bëhet burim frymëzimi për të rinjtë, që do ta ndjejnë me gjithë forcën universalitetin e katolicitetin e Kishës, posaçërisht kur të jenë në mes miliona të rinjsh të tjerë. Po nuk do të jenë vetëm të rinjtë, ata që do ta përfaqësojnë Tokën e Shenjtë në Rio: me ta do të jetë edhe imzot Gjaçinto-Bulos Markuco, mëkëmbës patriarkal për Izraelin, i zgjedhur ndërmjet ipeshvijve, që do të mbajnë katekizmat përgatitore.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama