HomeRadio Vatikani
Radio Vatikani   
Në gjuhë të tjera  

     Home > Kisha >  2013-06-29 16:24:28
A+ A- Printo artikullin



Dita për Bamirësinë e Papës



Këtë të diele kremtohet Dita për Bamirësinë e Papës. Një e dielë, që çdo vit, i kushtohet mbledhjes së fondeve për Atin e Shenjtë. Në të gjitha dioqezat e botës, lëmoshët që do të mblidhen, gjatë kremtimit të meshës, do t’i jepen Papës Françesku, i cili i përdor për të ndihmuar të varfërit. Papa Bergolio kujton shpesh se solidariteti me të varfërit është pjesë thelbësore e Ungjillit të Krishtit dhe e dallon besimtarin e krishterë. Ati i Shenjtë është dëshmitari i parë i dashurisë dhe i kujdesit për nevojtarët. Mjafton të përmendim përdorimin e fondeve të shpërblimeve, në rastin e Selisë Vakante, për të ndihmuar njerëzit në vështirësi. Me fondet e mbledhura gjatë vitit 2012, janë ndihmuar refugjatët e Zambias e të Kongos për t’u kthyer në shtëpitë e tyre, familjet e dëmtuara nga përmbytjet në Bangladesh, është ndërtuar një shkollë në Republikën Demokratike të Kongos, janë ndërmarrë një sërë nismash për të përballuar emergjencën humanitare në Bririn e Afrikës, kanë filluar projekte për alfabetizimin tekoniko-informatik të të rinjve “jashtë kastave” në Indi, si edhe është blerë një gjenerator elektirk për një kishë, që po ndërtohet në Irak.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama