ՍկզբնաէջըՎատիկանի Ձայնասփիւռ
Վատիկանի Ձայնասփիւռ   
Այլ Լեզուներ  

     Սկզբնաէջը > Քաղաղականութիւն >  2013-07-05 10:00:33
A+ A- Տպէ` Էջը



Ատլի Մանսուր Եգիպտոսի Ժամանակաւոր Նախագահ



Եգիպտոսի Սահմանադրական խորհուրդի նախագահ Ատլի Մահմուտ Մանսուր երէկ կատարեց իր նախագահական երդումը: Մէկ օր առաջ եգիպտական բանակը նախագահ Մոհամետ Մուրսին պաշտօնէն հեռացուցած էր եւ առած տնային կալանքի տակ: Բանակը յայտնեց, որ Մուրսի «ժողովուրդին պահանջները չգոհացուց»:
Մանսուր յայտարարեց, որ նոր ընտրութիւնները յառաջընթացի «միակ միջոցն են»:
Եգիպտոսի առողջապահութեան նախարարութիւնը յայտնեց, որ երկրին տարածքին նախանցեալ գիշեր Մուրսիի հակառակորդներուն եւ համակիրներուն միջեւ տեղի ունեցած բախումներուն պատճառով առնուազն 10 զոհ արձանագրուած է: Կիրակի օր սկսած զանգուածային ցոյցերուն սկիզբէն ի վեր 52 զոհ եւ 2619 վիրաւոր արձանագրուած է:
Եգիպտացի պաշտօնատարներ յայտնեցին, որ Իսլամ եղբայրներու գերագոյն ղեկավար Մոհամետ Պատի Գահիրէէն արեւելք գտնուող Մարսա Մաթրուհ քաղաքին մէջ ձերբակալուած է: Անիկա իսլամական երկիրներուն մէջ տեղի ունեցած ձերբակալութեանց վերջին պարագան է:
Մուրսի եւ Իսլամ եղբայրները արգելափակուած են Եգիպտոսի նախկին նախագահ Հիւսնի Մուպարաքի գտնուած բանտին մէջ:




Հետեւեք






Մեր Մասին Հաղորդումներու Օրակարգ Գրէ' խմբագրութեան Ռատիովատիկանի Արտադրութիւն Կապեր Ուրիշ Լեզուներ Սուրբ Աթոռը Վատիկան քաղաք Քահանայապետական Ծիսակատարութիւններ
Կայքէջի Բոլոր Պարունակութիւնը Հեղինակային Իրաւունքով Պաշտպանուած է ©. Ծրագրաւորող / Վարկ / Օրինական Պայմաններ / Գովազդ