HomeRadio Vatikani
Radio Vatikani   
Në gjuhë të tjera  

     Home > Kisha >  2013-07-31 15:36:21
A+ A- Printo artikullin



Krerët e Kishave ortodokse për tragjedinë e heshtur të të krishterëve në Lindjen e Mesme



Krerët dhe përfaqësuesit e Kishave ortodokse, mbledhur këto ditë në Moskë, me rastin e 1025-vjetorit të Pagëzimit të Rusisë, e ngritën zërin në mbrojtje të “vëllezërve të krishterë, që persekutohen sot për fenë në rajone të ndryshme të botës”. Vërtet, shumë nga ndjekësit e Krishtit u nënshtrohen madje edhe torturave si në Nigeri, Pakistan, Afganistan e Indi. Por shqetësimi kryesor i peshkopëve ortodoksë ka të bëjë kryesisht me Lindjen e Mesme. Libia është e ndarë në fise, në luftë me njëra-tjetrën; Iraku, ku vazhdojnë sulmet terroriste, e ka dhjetuar numrin e të krishterëve; Egjipti, ku vazhdon dhuna, po vuan nga eksodi masiv. Sidomos, u vu në dukje gjendja në Siri: “Këtu po persekutohen rëndë të krishterët dhe grupet e tjera fetare – thanë peshkopët ortodoksë – ndërsa mjetet botërore të informacionit dhe politikanët e kalojnë në heshtje tragjedinë e të krishterëve në Lindjen e Mesme”.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama