HomeRadio Vatikani
Radio Vatikani   
Në gjuhë të tjera  

     Home > Kisha >  2013-09-03 16:07:09
A+ A- Printo artikullin



Myftiu i madh i Sirisë dëshiron të lutet për paqe me Papën në Vatikan



Myftiu i Madh i Sirisë, Ahmad Badreddin Hassou, lideri shpirtëror i islamit në Siri, e ka ndjerë thellësisht në zemër thirrjen e Papës Françeskut për paqen në Siri, shqiptuar të dielën e kaluar gjatë lutjes së Engjëllit të Tënzot, dhe ka shpreh dëshirën të jetë i pranishëm në Shën Pjetër në Vatikan për mbrëmësoren e lutjes për paqen në Siri, shpallur nga Papa Bergoglio për të shtunën e ardhshme më 7 shtator. Siç njofton agjencia Fides, myftiu Hassou i ka dërguar një letër për këtë qëllim Nuncit Apostolik në Damask imzot Mario Zenari.
Fjalët e Sekretarit të Këshillit Papnor për “Drejtësi e Paqe”, ipeshkvit imzot Toso mbi mundësinë e shpërthimit të një konflikti të ri botëror, shprehin më së mirë shqetësimin e Vatikanit për atë që mund të ndodhi. Ndërkohë vazhdon përkrahja dhe adezioni në këtë nismë të Papës për paqen në Siri. Edhe nëse, për shkaqe logjistike apo për ndonjë arsye tjetër, dëshira e Myftiut të Sirisë nuk do të mund të realizohej, Ahmad Badreddin Hassou tha se komuniteti i tij mysliman “ e pranon thirrjen, të cilën Papa ia drejtoi të gjitha feve, për t’u lutur për paqen në Siri”. Myslimanët sunitë janë ftuar të luten për paqen, më 7 shtator, në bashkim dhe në të njëjtën kohë me Papën, në xhamitë e Damaskut e në mbarë territorin kombëtar sirian.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama