HomeRadio Vatikani
Radio Vatikani   
Në gjuhë të tjera  

     Home > Drejtësia e paqja >  2013-09-22 13:15:25
A+ A- Printo artikullin



Vatikani: të ndalohet prodhimi i armëve bërthamore



Është koha “t’i jepet fund prodhimit të armëve bërthamore”. Lëndët radioaktive duhet të përdoren vetëm për veprimtari paqësore e jo për qëllime ushtarake. Kështu tha Sekretari i Vatikanit për Marrëdhëniet me Shtetet, imzot Dominik Mambertì, në Konferencën e 57-të të përgjithshme të Agjensisë Ndërkombëtare të Energjisë Atomike (IAEA). Imzot Mambertì solli në sallë përshendetjet e Papës Françesku.
Siguria globale, theksoi prelati në mbledhjen e së martës së kaluar, nuk i duhet besuar armëve bërthamore. Imzot Mambertì u bëri thirrje të gjitha vendeve të nënshkruajnë Traktatin e mospërhapjes së këtyre armëve. Kemi nevojë, tha ai, që të gjithë ta pranojnë pa kushte këtë Traktat. Bashkësia ndërkombëtare, sipas përfaqësuesit të Vatikanit, duhet t’i japë hov të ri procesit të çarmatimit bërthamor, ku duhen parashikuar hapa të mirëpërcaktuara e të kontrollueshme. Çarmatimi dhe mospërhapja e armëve bërthamore, tha në fund imzot Mambertì, janë themelore edhe nga pikpamja humanitare.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama