HomeRadio Vatikani
Radio Vatikani   
Në gjuhë të tjera  

     Home > Kisha >  2013-09-29 17:31:57
A+ A- Printo artikullin



Shenjtorët e javës 29 shtator – 6 tetor 2013



Sot, në të dielën e 26 të vitit kishtar C, Kisha Katolike përkujton Kryeengjëjt Mikel, Gabriel e Rafael. Është edhe festa e Radio Vatikanit, e cila ka për Pajtor qiellor shën Gabrielin Kryeengjëll.

Nesër, e hënë, 30 shtator, përkujtohen shën Jeronimi, meshtar e doktor i Kishës, si edhe shën Françesk Borxhia. Liturgjia e ditës na kujton se feja është baza e marrëdhënieve tona me Zotin.

Të martën, më 1 tetor, Kisha Katolike kremton festën e shën Terezës së Krishtit Fëmijë, virgjër e dijetare e Kishës. Njëkohësisht, përkujtohet i Lumi atë Luigj Monti, bijtë e të cilit mbajnë sot në Tiranë ambulancën dhe universitetin e spitalin e Zojës së Këshillit të Mirë.

Të mërkurën, 2 tetor, kremtohen Engjëjt e Rojes. Bibla thotë se Zoti do t’u japë urdhër engjëjve të vet t’i ruajnë njerëzit në udhët e jetës. Kisha kremton edhe festën liturgjike të të lumit Antonio Shevrier.

Më 3 tetor, ditën e enjte, përkujtohen shën Gerardi i Bronjës, shën Kandida, shën Dionizi dhe i Lumi Luigji Talamoni. Liturgjia vë në dukje se dishepujt e Jezusit do të jenë si engjëjt në mesin e ujqërve, armatosur vetëm me besimin në Provaninë Hyjnore e në mbështetjen e Zotit.

Më 4 tetor, ditën e premte, kremtohet shën Françesku i Asizit, ngjarje e shënuar edhe për besimtarët shqiptarë, për hir të lidhjes së ngushtë me françeskanët, bijtë e Shën Françeskut, shpërndarë kudo në trevat shqiptare. Gjithashtu, përkujtohet edhe shën Petroni.

Të shtunën, 5 tetor, bie festa e shën Faustina Kovalskës, shën Plaçidos, dhe të Lumit Bertolo Longo. “Emrat tuaj janë të shkruar në qiell”, u thotë Jezusi atyre, që e kumtojnë me gëzim Mbretërinë e Hyjit.

Të dielën, e 27-ta gjatë vitit kishtar, përkujtohen shën Bruno e shën Fede. 6 tetori është edhe Dita Botërore e të Moshuarve. Të lutemi që Zoti t’i mbështesë të moshuarit e t’ua bëjë më të lehtë çdo vështirësi. T’i ndihmojmë edhe ne vetë, duke bërë një gjest të bukur për një të moshuar, në këtë ditë.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama