HomeRadio Vatikani
Radio Vatikani   
Në gjuhë të tjera  

     Home > Kisha >  2013-09-30 15:21:47
A+ A- Printo artikullin



Kirograf i Papës për ngritjen e një Këshilli kardinjash, që do të ndihmojnë Atin e Shenjtë në qeverisjen e Kishës



U publikua sot një Kirograf i Papës Françesku, pra, një dokument i shkruar me dorën e Atit të Shenjtë, me të cilin vendoset ngritja e një Këshilli kardinajsh, që do ta ndihmojnë Papën në qeverisjen e Kishës universale, si edhe do të studiojnë një plan për rishikimin e Kushtetutës Apostolike “Pastor Bonus” të Kuries Romake.
Ati i Shenjtë vë kështu në jetë një nga sugjerimet e kardinjave gjatë mbledhjeve të përgjithshme para Konklavit. Kujtojmë se Papa Bergolio lajmëroi për formimin e këtij grupi, duke dhënë edhe emrat e anëtarëve, që më 13 prill, por me Kirografin e sotëm, ky grup ngrihet në rangun e “Këshillit të kardinajve”. Deri tani, numri i anëtarëve është tetë, por Papa i rezervon vetes të drejtën ta ndryshojë, t’i thërrasë për këshillim veç e veç, ose të gjithë bashkë, për argumentet, që do ta shohë të arsyeshme. Mbledhja e parë e Këshillit të kardinjave do të fillojë nesër e do të vazhdojë deri më 3 tetor.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama