HomeRadio Vatikani
Radio Vatikani   
Në gjuhë të tjera  

     Home > Kultura dhe shoqëria >  2013-10-21 13:57:08
A+ A- Printo artikullin



Prishtinë, terminali i ri me dhoma lutjeje për besimtarët



Aeroporti i Prishtinës ka ndërtuar dhoma të veçanta për lutje; jo vetëm për besimtarët myslimanë, por për të gjitha fetë.
Me një sipërfaqe gjigante, në terminalin e ri mund të gjesh gjithçka. Madje ndërtuesit janë kujdesur edhe për udhëtarët që falen.
Në të djathtë të hyrjes së terminalit, janë ndërtuar dy dhoma përballë njëra-tjetrës. Njëra dhomë u është dedikuar besimtarëve myslimanë, e dhoma tjetër përballë saj do të jetë në dispozicion të përkatësive të tjera fetare, ortodoks, katolikë dhe hebrenj.
Fillimisht është menduar se në terminalin e ri të Aeroportit Ndërkombëtar “Adem Jashari”, është ndarë dhoma e lutjeve vetëm e komunitetit mysliman. Këto dyshime u nisën nga një fotografi e publikuar në rrjetet sociale. Shumë njerëz reaguan rreth ndarjes religjioze që sipas tyre turqit kanë bërë pasi janë ata që e kanë ndërtuar terminalin e ri. Si duket shumica u gabuan.
Kompania turke “Limak Kosovo” ka ndërtuar gjithsej tri dhoma të lutjeve brenda objektit të ri që do të inaugurohet këtë të mërkurë.
Zëdhënësja e aeroportit Valentina Gara thotë se dhomat janë ndërtuar sipas një praktike që është nëpër të gjitha aeroportet moderne të Europës.
“Janë tri dhoma të ndërtuara. Dy për besimtarët myslimanë pasi dihet që ata falen gratë veç e burrat veç dhe një dhomë tjetër për përkatësitë e tjera fetare”, thotë Gara për Express.
Terminali i ri i Aeroportit Ndërkombëtar “Adem Jashari” pritet të inaugurohet këtë të mërkurë. Në inaugurim do të marrin pjesë kryeministri turk Rexhep Taip Erdogan, ai shqiptar Edi Rama dhe shumë ambasadorë të shteteve dhe shumë politikanë.

(er.nu/BalkanWeb)




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama