HomeRadio Vatikani
Radio Vatikani   
Në gjuhë të tjera  

     Home > Kisha >  2013-10-22 14:46:05
A+ A- Printo artikullin



Imzot Çullikat kundër Komitetit të OKB-së për të drejtat e fëmijëve: të garantohet gjithnjë e drejta për të lindur



Çdo fëmije i duhet garantuar e drejta të lindë e shteti duhet të bëjë ç’është e mundur për të mbështetur prindërit në rritjen e bijve, në liri e me dinjitet. Ky është mendimi i shprehur nga Vëzhguesi i përhershëm i Selisë së Shenjtë në OKB, imzot Frensis Çullikat para Komitetit për nxitjen dhe mbrojtjen e të drejtave të fëmijëve në Nju Jork.
Prelati kritikoi qëndrimin e Komitetit, i cili e ka interpretuar gabim Konventën për të drejtat e fëmijës. Së pari, vëren imzot Çullikat, fetusi i palindur akoma është anëtar i familjes njerëzore e nuk i përket asnjë nënkategorie, prandaj çdo fëmije i duhet garantuar e drejta të lindë, pa diskriminime me bazë seksin, aftësitë e kufizuara, ose politikat e diktuara nga eugjenetika. Në tekstin e Komitetit pranohet diagnoza para lindjes për të vendosur nëse fëmija duhet të vijë në jetë, krejt në kundërshtim me vetë Konventën.
Vëzhguesi i Vatikanit u bën thirrje shteteve t’i ndihmojnë prindërit në rritjen e fëmijëve, duke u dhënë atyre mundësi e mjete për zhvillimin e tyre normal fizik, moral e shoqëror, në kushte lirie e dinjiteti, edhe kur kanë fëmijë me probleme të çdo lloji. Pra, mbrojtja e përgjegjësisë dhe e autonomisë së familjes, është udha për të mbrojtur edhe të drejtat e fëmijëve.
Imzot Çullikat kundërshton me vendosmëri përdorimin e padrejtë, që i bën Komitet, shprehjeve si “orientim seksual” dhe “identitet gjinor”; rekomandimet, që u jep shteteve për t’u dhënë fëmijëve edukim mbi shëndetin seksual, kontraceptivët dhe të ashtuquajturin “abort i sigurtë”, pa miratimin e prindërve; promovimin e abortit si mjet planifikimi familjar dhe vendosjen e shërbimeve në këtë fushë pa marrë parasysh ndërgjegjen e veprimtarëve të shëndetësisë. “Këto rekomandime – denoncon prelati – janë veçanërisht të kritikueshme. Asnjë abort nuk është kurrë i sigurtë, sepse vret një fëmijë dhe dëmton të ëmën”. Që këtej, thirrja e imzot Çullikatit për respektimin e një Konvente, si ajo për të drejtat e fëmijës, nga më të ratifikuarat, por edhe nga më të interpretuarat gabim.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama