HomeRadio Vatikani
Radio Vatikani   
Në gjuhë të tjera  

     Home > Kisha >  2013-10-28 11:58:19
A+ A- Printo artikullin



Në Asizi, të krishterë, hebrenj e myslimanë reflektuan e u lutën së bashku për paqen



Hebrenj, të krishterë e myslimanë, të gjithë së bashku në “frymën e Asizit” për të theksuar impenjimin e tyre në favor të paqes. Dje paradite, në qytetin e Shën Françeskut, u zhvillua takimi tradicional ndërfetar, filluar për herë të parë në vitin 1986, nga Papa i lum Gjon Pali II. Këtë vit, në qendër të reflektimit, ngjarjet e Lindjes së Mesme dhe udhët e mundshme të dialogut. Së bashku me familjen françeskane dhe me ipeshkvin e Asizit, imzot Domeniko Sorrentino, qenë të pranishëm edhe Patriku latin i Jeruzalemit Fuad Tval, një delegacion islamik e rabini Dejvid Rouzen, drejtor i Departamentit për punët ndërfetare të Komitetit Hebraik Amerikan. Në fjalët e drejtorit të sallës së shtypit të Kuvendit të françeskanëve të Asizit, atë Enxo Fortunato, kuptimi i këtij takimi:RealAudioMP3
Zhveshja nga zakonet e sjelljet e secilit për t’u takuar me tjetrin. Për ta takuar sidomos në përmasën e tij njerëzore, me dashamirësi, në mënyrë që çdo rrethanë të kthehet në rast për paqen. Kjo u përsërit shpesh e ky impenjim nuk përfundon këtu, por vazhdon edhe më tej. Paqja duhet të lindë nga zemra, nga një zemër e lirë dhe e çarmatosur. U soll shembulli i lutjes së Papës Françesku për Sirinë. Është ky takim i lirë, që bën të lindë ylberi i paqes.
Në qendër të takimit, Lindja e Mesme. A u tha ndonjë gjë e veçantë?
Ne e dimë - siç na e kujtoi Gjon Pali II, në kohën e vet – se konflikti izraelito-palestinez përfaqëson nënën e të gjitha luftrave. Fakti që krerët fetarë të të gjitha besimeve impenjohen, punojnë përditë për paqen, pavarësisht se në heshtje, na bën të shpresojmë për të ardhmen.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama