HomeRadio Vatikani
Radio Vatikani   
Në gjuhë të tjera  

     Home > Bamirësi dhe solidaritet >  2013-12-06 14:47:37
A+ A- Printo artikullin



Papa Françesku për Mandelën: farkëtoi një Afrikë të re të Jugut, bazuar mbi pajtimin e barazinë



Njeri, që ia kushtoi jetën krijimit të një Afrike të re të Jugut, në të cilën, të gjithë qytetarët të kenë dinjitet të barabartë. Kështu shkruan Papa Françesku, në telegramin e ngushëllimit për vdekjen e Nelson Mandelës, liderit historik afrikanojugor, që ndërroi jetë mbrëmë në Pretoria, në moshën 95 vjeçare. Duke u bashkuar me vajtimin e mbarë botës, Papa ia beson Zotit shpirtin e Mandelës dhe vë në dukje impenjimin e tij të vazhdueshëm për t’u dhënë të njëjtin dinjitet të gjithë qytetarëve të vendit. Mandela, shkruan Ati i Shenjtë, arriti të farkëtojë një Afrikë të re të Jugut, ndërtuar mbi themelet e patundura të mospërdorimit të dhunës, të pajtimit e të së vërtetës. Lutem, përfundon Papa, “që shembulli i presidentit të ndjerë të frymëzojë brezat e ardhshëm të afrikanojugorëve, që ta vendosin drejtësinë dhe të mirën e përbashkët në vendin e parë të aspiratave të tyre politike”.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama