HomeRadio Vatikani
Radio Vatikani   
Në gjuhë të tjera  

     Home > Kisha >  2014-02-24 15:14:38
A+ A- Printo artikullin



Papa pret presidentin e Haitit: rindërtimi i vendit dhe dialogu në qendër të bisedimeve



Papa Françesku priti sot paradite, në Pallatin Apostolik, presidentin e Republikës së Haitit, Michel Joseph Martelly, i cili, më pas, takoi Sekretarin e Shtetit, Kardinalin Pietro Parolin, dhe sekretarin për marrëdhëniet me shtetet, Imzot Dominique Mamberti. “Gjatë bisedimeve të përzemërta – thotë një komunikatë e Sallës së Shtypit të Vatikanit – u shpreh kënaqësia për marrëdhëniet e mira ndërmjet Haitit dhe Selisë së Shenjtë dhe u theksua ndihma e çmueshme e Kishës Katolike në rrafshin shoqëror, sidomos në arsim, shëndetësi dhe në ndihmën ndaj të varfërve. Në vijim të bisedimeve u vu në dukje rëndësia, që ka përparimi i angazhimit për rindërtimin e vendit, si edhe mbështetja e dialogut ndërmjet forcave të ndryshme institucionale, për pajtimin dhe të mirën e përbashkët, si brenda, ashtu edhe jashtë vendit”.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama