ՍկզբնաէջըՎատիկանի Ձայնասփիւռ
Վատիկանի Ձայնասփիւռ   
Այլ Լեզուներ  

     Սկզբնաէջը > Եկեղեցի  >  2014-03-05 09:57:21
A+ A- Տպէ` Էջը



Ֆրանչիսկոս Պապի հարցազրոյցը Իտալական '' Corriere della sera'' օրաթերթին հետ։



Քահանայապետութեան առաջին տարուայ աւարտին, Ֆրանչիսկոս Քահանայապետը, Իտալական '' Corriere della sera'' օրաթերթի տնօրէն` Ֆերրուչչօ Տէ Պորթոլիին հետ ունեցած երակարաշունչ հացազրոյցի մը ընթացքին, անդրադարձած է իր առաքելութեան զանազան երեւոյթներուն, ինչպէս նաեւ այս ամիսներուն առնուած որոշումներուն եւ Պենետիկտոս ԺԶի հետ ունեցած յարաբերութեան մասին, որուն առընչութեամբ Ֆրանչիսկոս Պապը յայտնած է թէ ''Վաստակաւոր քահանայապետը թանգարանի մէջ դրուած արձան մը չէ. Անիկա հեղինակութիւն մըն է։ Միասնաբար որոշեցինք որ Ինք մասնակցի Եկեղեցւոյ կեանքին. Անոր իմաստութիւնը Աստուածային պարգեւ մըն է''։
Ֆրանչիսկոս Պապը ապա յայտնած է թէ ինք կը սիրէ ժողովուրդին մէջ ըլլալ աւելցնելով թէ Քահանայապետը ''ամենակարող'' մարդ չէ այլ ''պարզ'' մարդ մըն է, որ կարիքը ունի ուրիշներու խրատներուն։
Հարցազրոյցի ընթացքին Ֆրանչիսկոս Պապը անդրադարձած Եկեղեցին հուզող կարեւոր նիւթերու մասին, ինչպէս ''մանկապղծութեան հարցը'' ու անոր յառաջացուցած մեծ վէրքերը, ամուսնալուծուածներու հարցը, ինչպէս նաեւ միասեռականներու ամուսնութեան հարցը։
Քահանայապետը ապա անդրադարձաւ կնոջ Եկեղեցւոյ մէջ ունեցած դերի մասին։ Ան ապա հաստատեց թէ Եկեղեցւոյ վարդապետութիւնը չի փոխուիր որովհետեւ արժէքները արժէք կը մնան։ Երակարաշունչ հարցազրոյցին մէջ, Ֆրանչիկոս Քահանայպետը անդրադարձաւ նաեւ միջազգային գետնի վրայ Եկեղեցւոյ յարաբերութիւններուն ինչպէս նաեւ միջկրօնական հարցերուն, մատնանշելով Սուրբ Երկիր կատարելիք հովուական այցելութեան որպէս դէպի համամիութիւն տանող ուղեւորութիւն։




Հետեւեք






Մեր Մասին Հաղորդումներու Օրակարգ Գրէ' խմբագրութեան Ռատիովատիկանի Արտադրութիւն Կապեր Ուրիշ Լեզուներ Սուրբ Աթոռը Վատիկան քաղաք Քահանայապետական Ծիսակատարութիւններ
Կայքէջի Բոլոր Պարունակութիւնը Հեղինակային Իրաւունքով Պաշտպանուած է ©. Ծրագրաւորող / Վարկ / Օրինական Պայմաններ / Գովազդ