HomeRadio Vatikani
Radio Vatikani   
Në gjuhë të tjera  

     Home > Kisha >  2014-05-02 16:38:11
A+ A- Printo artikullin



Në Siri, të krishterët kryqëzohen



Një rregulltare siriane flet, në Radio Vatikan, për martirizimin e besimtarëve të krishterë nga xhihadistët, deri në kryqëzim.
“Të krishterët e Sirisë kryqëzohen, nëse nuk pranojnë ta mohojnë fenë e tyre, për të rrokur menjëherë pas, fenë islame: xhihadistët luajnë futboll me kokat e viktimave të tyre. E ndërmjet viktimave, ka edhe fëmijë”. Është një rregulltare siriane, që sjell dëshminë rrënqethëse të kryqëzimeve në Siri, para syve të botës moderne, duke folur në mikrofonin e Radios sonë, në gjuhën frënge. Motra tregon hollësisht mizoritë e kryera në qytetet e fshatrat e tronditura rëndë nga konflikti i pafundmë në Siri.
“Në qytetet e fshatrat e pushtuara nga njerëz të armatosur, lexojmë në intervistën e motër Ragidës, që tani jeton në Francë, xhihadistët dhe të gjitha grupet myslimane ekstremiste, u propozojnë të krishterëve “shahada”-në, dëshmimin e fesë myslimane. O Islamin, o vdekjen! Rrugë të mesme s’ka. Është krejt e pamundur të mos pranosh: e di mirë se të pret martirizimi.
Martirizim me dhunë të paparë ndonjë herë! Në se doni shembuj, po kujtoj se në Maalula u kryqëzuan dy djelmosha, sepse nuk deshën të thoshin lutjen shahada. “Ose thuajeni, ose do të vdisni si Mësuesi Juaj, në të cilin besoni! Zgjidhni e merrni!”. Njëri u kryqëzua në praninë e të atit, të cilin e vranë menjëherë pas tij.
Ka ndodhur, për shembull, në Abra, në zonën industriale, ndër rrethinat e Damaskut: në të hyrë të qytetit, nisën të vrasin gra e fëmijë. E, menjëherë pas masakrës, merrnin kokat e të vrarëve e i përdornin në vend të topit, për të luajtur futboll. Përsa u përket grave shtatzëna, ua nxirrnin fëmijët nga barku e i varnin në pemë me kordonin kërthizor. Do të dukej situatë e pashpresë, sikur shpresa dhe jeta të mos ishin më të forta se vdekja”- pohon motra siriane, e posa dalë nga kjo kataklizmë masakrash, që të kujtojnë kohë të perënduara që në mugëtirat e historisë njerëzore!Kjo dëshmi e nxiti Papën Françesku të ngrinte fort zërin sot, duke folur në vend të atyre, që ndoshta këtë çast vdesin si Krishti në kryq.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama