HomeRadio Vatikani
Radio Vatikani   
Në gjuhë të tjera  

     Home > Bamirësi dhe solidaritet >  2014-06-11 15:20:36
A+ A- Printo artikullin



Irak: Kisha e angazhuar në gjendjen e rëndë pas sulmeve kaediste



Forcat kaediste të Shtetit Islamik të Irakut dhe të Lindjes janë hedhur në një sulm të fuqishëm. Kanë marrë Mosulin, i cili tashmë është nën breshërinë e bombardimeve qeveritare. Dhjetra mijëra qytetarë kanë marrë arratinë dhe Kisha është tërësisht e angazhuar në ndihmë të tyre. Xhihadistët kanë marrë edhe Kirkukun e Salahedinin, në veri të Bagdadit. Kryeministri Al Maliki i ka kërkuar qeverisë të shpallë gjendjen e jashtëzakonshme, duke thënë hapur: jemi të gatshëm të armatosim këdo që është i gatshëm të luftojë terrorizmin.
“Kolaps total i forcave të sigurisë”: kështu e përshkruan një oficer iraken gjendjen në qytetin e dytë të vendit, tashmë nën kontrollin e ushtarëve sunitë të Shtetit Islamik të Irakut dhe të Lindjes dhe nën bombardimet qeveritare. Ndër dhjetra mijëra qytetarë, që kanë marrë arratinë, në rrafshin e Ninivës gjenden edhe katolikët, të cilët, shpjegon ipeshkvi Emil Shamoun Nona, kanë punuar tërë natën, për të përgatitur strehimin e të shpërngulurve. E ndërsa xhihadistët kanë marrë edhe Kirkukun, 15 kilometra në juglindje, dhe diasa pjesë të provincës së Salahedinit, nesër parlamenti do të vendosë për shpalljen e gjendjes së jashtëzakonshme, në mënyrë që kryeministri shiit Al Maliki të mund të ushtrojë një pushtet të veçantë.
Sekretari i përgjithshëm i OKB-së, Ban Ki Moon, shprehet “i shqetësuar thellë” për ngjarjet në Mosul, qytet strategjik në rrugën drejt Sirisë. Ai i ka drejtuar Irakut thirrjen për “bashkim kombëtar”. Të njëjtën thirrje e kanë bërë edhe Shtetet e Bashkuara, të cilët i kanë cilësuar kaedistët si një “kërcënim për tërë rajonin”, dhe kanë premtuar një përgjigje “të fuqishme” ndaj kësaj emergjence, bashkë me ndihmën ushtarake për autoritetet vendore.




Share






Kush jemi Orari i programeve Shkruaji redaksisë Prodhime RV Links Në gjuhë të tjera Selia e Shenjtë Qyteti i Vatikanit Kremtimet liturgjike të Papës
Përmbajtja e kësaj faqeje gëzon të drejtën e autorit ©. Administratori / Web-team / Kushtet ligjore / Reklama