16 мая 2006г., у дзень успаміну святога Андрэя Баболі, у Полацку, як і штогод, адбылося
ўрачыстае набажэнства. Удзел у ім бралі не толькі полацкія каталікі, але таксама святары
і вернікі з суседніх парафій. Культ святога Андрэя Баболі шырока ўшаноўваецца
ў старажытным Полацку зусім не выпадкова: цела гэтага мучаніка за веру Хрыстову больш
за 100 гадоў (з1808 г. па 1922 г.) як каштоўная рэліквія захоўвалася ў касцёлах Полацка,
і было акружана вялікай пашанай вернікаў не толькі горада, але і ягоных шырокіх ваколіцаў.
Таму зразумела, што новы касцёл, які пасля доўгіх гадоў савецкай атэізацыі паўстаў
у Полацку напрыканцы мінулага стагоддзя, быў асвячаны ў імя менавіта гэтага святога.
Андрэй Баболя і цяпер збірае вернікаў Полаччыны на малітву за адзінства Касцёла,
за мір і спакой у нашай Бацькаўшчыне, за тое, каб праўда і справядлівасць панавалі
ва ўсіх сферах нашага жыцця.