Ja argumentet kryesore të programit të 29 majit: këtu mund të ndiqni emisionin e plotë
Në plan të parë të emisionit
tonë të sotëm edhe njëherë heshtja dhe lutja e Papës Benedikti XVI në kampin nazist
të shfarosjes në Aushvic dje pasdite në përfundim të shtegtimit të tij apostolik në
Poloni.
Domethënia e vizitës së Benediktit XVI në kampet naziste të Aushvicit
dhe Birkenaut. Në mikrofonin tonë flasin kryetari i rabinëve të Italisë Giuseppe Laras
dhe kryetari i bashkësisë hebree të Romës Leon Paserman.
Nga aktivitetet
e kishës në trojet shqiptare veçojmë: kremtimet në rrethin e Durrësit në mbylljen
e muajit maj kushtuar Zojës.
Në Afganistan në përleshjet ndërmjet ushtarëve
amerikanë dhe rebelëve humbën jetën 30 talebanë.
Apel nga Kina për të mos
harruar: “Nënat e Sheshit Tienanmen”, në një letër dërguar udhëheqjes komuniste të
Pekinit kërkojnë që autoritetet të zbardhin ngjarjet tragjike të 3-4 qershorit të
vitit 1989, dhe të zbatojnë drejtësinë si edhe të mos persekutojnë më viktimat e lëvizjes
studentore të atij viti.
Presidenti i Malit të Zi Filip Vujanoviqi deklaroi
se të enjtën me 1 qershor 2006 Mal i Zi do të shpallë zyrtarisht pavarësinë dhe ndarjen
nga Unioni me Serbinë.
Pas skandalit të pedofilisë në Tiranë, kryeministri
shqiptar Sali Berisha urdhëroi që të kryhen kontrolle të rrepta në të gjitha shtëpitë
bamirëse ku ka të mitur.
Sot Kisha Katolike kremtoi Shën Ursulë Ledohosken.
Shenjtorët e javës.
Një përshëndetje të përzemërt të gjithë dëgjuesve të
Radio Vatikanit nga redaksia e gjuhës shqipe. Në mikrofon....
Emisionin tonë
mund ta ndiqni edhe në faqen tonë të internetit: dubël vë, dubël vë, dubël vë.radiovaticana.org.