(02.08.2007 RV) Shën Euzebi, që njihet me atributin “i Verçelit”, gjë që zakonisht
tregon vendlindjen, në të vërtetë lindi në Sardenjë. Emrin Euzeb e mori në Romë ku,
si vendosi të kthehej në fenë e krishterë, qe pagëzuar nga Papa Euzebi. Ishte shok
i ngushtë me Liberin, që më pas do të bëhej papë. I bashkonte dëshira për ta jetuar
deri në fund të fundit Ungjillin. Gjatë veprimtarisë së tij si ipeshkëv i Vercellit,
vend që i dha atributin, hasi vështirësi të mëdha aq sa, për qëndrimin e tij të palëkundur,
u internua nga perandori arian Kostanci, së bashku me ipeshkvin e Milanos, Dionizin.
Por që të dy patën fatin të riktheheheshin në selitë e tyre ipeshkvnore. Shën Euzebi
e drejtoi Kishën e Verçellit me urti e shenjtëri edhe dhjetë vjet pasi u kthye nga
internimi. E ashtu si kishte jetuar me frymën e Ungjillit, ashtu edhe vdiq. Kur ai
mbylli sytë edhe viti 371 numronte ditët e fundit.