Atë Gjankarlo Bosi ndodhet në Itali, i rrethuar nga përzemërsia e familjarëve.
(13.08.2007)Atë Gjankarlo Bosi, meshtari i Institutit të Misioneve të Jashtme,
rrëmbyer më 10 qershorin e kaluar në ishullin Mindanao e liruar pas 39 ditësh, të
kaluara në duart e rrëmbyesve, në juglindje të Filipineve, arriti dje në Itali. “Jam
krejt mirë e tepër i kënaqur. Dua të rikthehem në shtëpi sa më shpejt që të jetë e
mundur” – këto janë fjalët që u tha misionari gazetarëve të shumtë, që kishin dalë
ta prisnin. E më pas, takoi familjarët. Arritja e tij u prit me një britmë gëzimi,
shoqëruar nga duartrokitjet e përgjithshme. Misionari dëshiron të rikthehet sa më
shpejt në Filipine, në fshatin Paiao. Këtë kuptim ka për të fjala “në shtëpi”. Më
1 e 2 shtator Atë Bosi do të jetë në Loreto, për t’u takuar me Papën, të cilin do
ta falënderojë për solidaritetin, por edhe për t’u dhënë të rinjve dëshminë e tij,
duke i ftuar të reflektojnë për misionin.