(16.08.2007 RV)Tension ndërmjet komandatit të KFOR-it në Kosovë, gjeneralit
gjerman Roland Kater dhe qeverisë së Beogradit, pas deklaratave të ushtarakut, sipas
të cilit statusi i rajonit duhet të përcaktohet sa më shpejt. Nëse kjo nuk ndodh rrezikohet
kthimi i kaosit dhe dhunës. Kater citohet sot nga agjensia Vip, për të cilën ai
shpjegon se ekzistojnë grupe apo individë që të nxitur nga ndjenja frustrimi, mund
të shkaktojnë probleme në Kosovë. Sipas qeverisë serbe, këto argumente përdoren për
të bindur bashkësinë ndërkombëtare që t’i japë pavarësinë Kosovës, për të mos pasur
probleme në të ardhmen. Ministri serb për Kosovën, Sllobodan Samarxhiç akuzoi pa doreza
NATO-n se dëshiron ta kthejë Kosovën “në një shtet satelit”, që u përgjigjet interesave
gjeopolitike të amerikanëve në Ballkan dhe atyre të klaneve mafioze lokale. Në
këtë linjë, ka mbajtur qëndrim edhe ministri i jashtëm rus, Sergei Lavrov, sipas të
cilit Bashkimi Evropian dhe SHBA-të po predikojnë “tërheqjen para dhunës”.