Як паведамляе афицыйная ватыканская газета “L’Osservatore Romano” у сталицы В’етнама
адбылася першая манiфiстацыя католiкаў, якiя жывуць у Ханоi. У ноч на Божае Нараджэнне
каля 5 тысяч вернiкаў арганiзавалi мiрную дэманстрацыю з мэтай папрасiць улады звярнуць
будынак Прадстаўнiцтва Апостальскай сталiцы, якi быў канфiскаваны i перароблены на
начны рэстаран. Манiфестанты неслi запаленыя свечкi i малiлiся за справядлiвасць.
З гэтай нагоды арцыбiскуп Ханоя Юзэф Нго Куанг Кiёт напiсаў адпаведны пастырскi лiст.
Дзеля звароту будынка, якi з’яўляецца часткай комплекса ханойскай катэдры, мясцовым
уладам 23 снежня была падана петыцыя. У сваiм iнтэрв’ю агенству "Asia News" адзiн
в’етнамскi студэнт заявiў: “Я маю надзею, што мясцовыя ўлады здолеюць зразумець сацыяльныя
праблемы жыхароў.. Мы жадаем выказаць праўду, гаворачы аб тым, што чакаем атрымаць
у адпаведнасцi з iснуючымi ва В’етнаме законамi. Мясцовыя ўлады ўжываюць землi i будынкi,
якiя належаць католiкам, для офiсаў i для адмiнiстратыўных мэтаў”. Вернiкi падкрэслiваюць,
што праблема не тычыцца толькi згаданага вышэй будынка. “Пасля 1954 года, зазначыў
iншы малады вернiк, - царкоўная маёмасць была канфiскавана i перадана шпiталям i дзяржаўным
арганiзацыям”. “Яны думаюць, - дадаў малады чалавек, - што нехта арганiзуе акцыi супраць
ураду. Але мы, католiкi, займаемся толькi рэлiгiйнымi праблемамi ў адпаведнасцi з
нашай верай i не маем нiчога супраць палiтыкi нашай краiны”. Сiтуацыя розных
рэлiгiйных канфесiй В’етнама застаецца складанай. У 2004 i 2005 гадах былi прынятыя
адпаведныя законы, якiм павiнны падпарадкавацца вернiкi розных рэлiгiй. Згодна з гэтымi
законамi яны падпадаюць пад поўны кантроль дзяржаўных ворганаў, у тым лiку валоданне
нерухомасцю i ўнутраным жыццём Царквы.