Alarm meningjit në Shqipëri, pavarësisht se mjekët qetësojnë
(08.01.2008 RV)Alarmi për sëmundjen e meningjitit ka vënë në gatishmëri të
gjithë sistemin shëndetësor në Shqipëri. Tri raste, ndër të cilat një tre-vjeçare
e shtruar në Tiranë, në përmirësim e sipër, kanë bërë që Ministria e Shëndetësisë
të japë alarmin. Me anë të një shkrese zyrtare që ministri i Shëndetësisë, Nard Ndoka,
u ka dërguar dje të gjitha institucioneve shëndetësore, mjekët ftohen të shqyrtojnë
çdo rast me imtësinë më të madhe dhe me të gjithë kujdesin e nevojshëm për ta kapur
sëmundjen brenda 24 orëve të para dhe për ta trajtuar pastaj atë me të gjitha mjetet
në dispozicion.