Сiтуацыя з захворваннем на СНIД выклiкае вялiкую заклапочанасць Цэркваў Украiны.
“Канфесыi Украiны супраць СНIДу: ад канцэпцыi – да агульных дзеянняў”. – пад такой
назвай 9-10 чэрвеня ў Кiеве адбылося Агульнаўкраiнскае мiжканфесыянальнае паседжанне,
якое было арганiзавана Мiжканфесыйным рэсурсным цэнтрам па пытаннях СНIДу пры Агульнаўкраiнскай
Радзе Цэркваў i рэлiгiйных арганiзацый. У спатканнi прынялi ўдзел прадстаўнiкi
11 Цэркваў i рэлiгiйных арганiзацый – членаў Агульнаўкраiнскай рады Цэркваў, прадстаўнiкi
Мiнiстэрства аховы здароў’я Украiны, праграм ААН, Мiжнароднага альянса па СНIДу ва
Украiне, у якi ўавходзяць хворыя на СНIД, прадстаўнiкi межканфесыйных суполак Беларусi
i Расii, якiя працуюць у гэтым напрамку. Пад час спаткання адбылося абмеркаванне
так званай “дарожнай мапы” удзелу кожнай канфесii ў працы Мiжканфесiанальнага рэсурснага
Цэнтра; былi таксама абмеркаваны пытаннi далучэння мiжканфесыйнага прадстаўнiцтва
да мясцовых гарадскiх радаў па пытанням барацьбы са СНIДам; абмеркаваны пытання супрацоўнiцтва
ў гэтым напрамку з мiжнароднымi, дзяржаўнымi i грамадскiмi ўстановамi, якiя працуюць
у гэтай галiне. Цэрквы i рэлiгiйныя арганiзацыi Украiны выступаюць арганiзатарамi
шматлiкiх мерапрыемстваў i праектаў, накiраваных на барацьбу са СНIДам ва Украiне,
у рамках якiх праводзяцца канферэнцыi, “круглыя сталы” i навуковыя семiнары, ствараюцца
царкоўныя рэабiлiтацыйныя цэнтры, арганiзоўваюцца iнфармацыйна-асветнiцкая праца сярод
святароў, моладзi i дарослых, пастырская праца з хворымi, у тым лiку з дзецьмi i вязнямi. Згодна
з рашэннем Агульнаўкраiнскай рады Цэркваў i рэлiгiйных арганiзацый, у 2007 годзе была
зацьверджана мiжканфесыйная канцэпцыя i стратэгiя па супрацьдзеянню распаўсюджванню
СНIДа ва Украiне. Таксама быў прыняты Стратэгiчны план дзейнасцi мiжканфесыйнай суполкi
Украiны у барацьбе з “чумой ХХ стагоддзя”. Мiжканфесыйны рэсурсны цэнтр, якi быў створаны
ў лютым 2008 года, мае на мэце аб’яднаць i каардынаваць на агульнаўкраiнскiм узроўне
высiлкi канфесый ў барацьбе з эпiдэмiяй.