2009ին՝ Հայաստանի մէջ Զբօսաշրջութեան աճ ՝ 10 տոկոսով
Հայաստանի տնտեսութեան նախարարութեան զբօսաշրջութեան վարչութեան պետ Մեխակ Ապրեսեանի
համաձայն ՜՜2009ին՝ կ՝ակնկալուի դէպի Հայաստան զբօսաշրջիկներու հոսքի 10 տոկոսով
աճ մը՝՝։
2008ին Հայաստան այցելած է 588,000 զբօսաշրջիկ, ինչ որ ցոյց կու տայ
2007ի համեմատ ,94 տոկոսով աճ (510,000 մարդ) ։ Ապրեսեան նաեւ հաղորդած է, թէ կազմակերպուած
զբօսաշրջութիւնը կազմած է ընդհանուր զբօսաշրջութեան 15-20 տոկոսը, իսկ մնացածը՝ անհատական
այցելութիւններ են, որոնց մեծամասնութիւնը կազմած են սփիւռքի ներկայացուցիչներուն այցերը։
Ըստ Ապրեսեանի ՜՜զբօսաշրջութեան զարգացումը հետեւանք է Հայաստանի գրաւչութեան, գեղեցկութեան,
ազգային ու պատմական հարուստ բազմերանգութեան, եզակի բնութեան, ժողովուրդի հիւրընկալութեան,
ծառայութիւններու բարձր մակարդակին եւ, ամէնէն կարեւորը՝ աժան գիներուն՝՝։ Գալով Հայաստանի
կառավարութեան, ան վերատեսութեան ենթարկած է Պետական Տուրքի Օրէնքը, ուստի, ներկայիս
21-օրեայ մուտքի արտօնագիրի համար կը վճարուի միայն 3000 դրամ։
Փարիզի
մէջ Երեւանի պարտէզի բացում
Երէկ Փարիզի կեդրոնին մէջ ( 8-րդ թաղամասին մէջ)՝
Կոմիտասի արձանին ետին բացումը կատարուեցաւ Երեւանի պարտէզին։ Սոյն պարտէզը կառուցուած
է նախաձեռնութեամբ Փարիզի քաղաքապետ՝ Պերթրան Տելանոէի ։ Պարտէզին անուանումը կրող՝ ցուցատախտակի
հանդիսաւոր բացումը կատարեցին աշխարհահռչակ ֆրանսահայ երգիչ Շարլ Ազնաւուր, Փարիզի քաղաքապետը
եւ Հայաստանի արտաքին գործոց նախարար Էդուարդ Նալբանդեան, որ երկօրեայ աշխատանքային այցելութեամբ
կը գտնուի Ֆրանսա։
Լոյս Տեսած Է Թեհրանի հայոց ազգային միջնակարգ դպրոցների
գիրքը
15 Մարտ 2009-ին , ՀՄԸՄ Կլէնտէյլի Արարատ մասնաճիւղի սրահին մէջ տեղի պիտի
ունենայ ՜՜Պատմութիւն Թեհրանի՝ Քուշեշ-Դաւթեան եւ Քուշեշ-Մարիամեան հայոց ազգային միջնակարգ
դպրոցներու՝՝ անուան գրքի Գինեձօն-ներկայացումը, իրաւաբան Արսէն Դանիէլեանի ու Օննիկ
Հայրապետեանի կողմէ։
Գրքին մէջ համառօտ կերպով ներկայացուած են զոյգ դպրոցներու
պատմականը, կրթական ծրագիրները, շարք մը տեսուչ-տեսչուհիներու ամփոփ կենսագրականը եւ
նկարներ, նաեւ տրուած է ուսուցիչ-ուսուցչուհիներու եւ առաջին ու հետագայ տարիներու աւարտողներու
անուանացանկը՝ 1956-57 ուսումնական տարիէն մինչեւ 1995-96 տարեշրջանները։ Գիրքը, պատմական
ու կրթամշակութային սկզբնաղբիւր մը կը հանդիսանայ հետագայ ուսումնասիրութիւններու համար,
ինչպէս նաեւ ալբոմ-յուշամատեան մը իւրաքանչիւր ընթացաւարտի կամ հետաքրքրասէր անձերուն
համար։