Shqipëri:Kolegji Zgjedhor ende me shqyrtimin e ankimimeve
(21.7.2009 RV)Kolegji Zgjedhor pranë Gjykatës së Apelit në Tiranë ka nisur
sot shqyrtimin e ankimimeve për zonat zgjedhore të Fierit, Beratit, Tiranës dhe Shkodrës.
Vendimet e tij janë përfundimtare. Ankimimet kanë të bëjnë me zonat zgjedhore në Fier,
Berat, Durrës dhe Shkodër. Shumicën e përbëjnë ato të Partisë Socialiste dhe Partisë
Demokratike, por nuk mbeten pas dhe të ashtuquajturat parti të vogla. Ndryshe nga
zgjedhjet e kaluara numri i ankesave në Kolegjin Zgjedhor është më i vogël, rreth
20 ankesa, disa herë më pak se në zgjedhjet e vitit 2005. Ditëve të fundit socialistët
dhe demokratët kanë shkëmbyer akuza të shumta me njëri tjetrin, veçanërisht për presion
ndaj organeve të drejtësisë. Shpresohet që deri në fund të muajit, Kolegji Zgjedhor
do të ndihmojë për rezultatin përfundimtar të zgjedhjeve të 28 qershorit në Shqipëri.