“Астаньцеся вернымі хрысьціянскаму пакліканьню,- сказаў Папа да ўдзельнікаў Сьвятой
Імшы ў Брне, з якімі адгаварыў паўднёвую марыйную малітву “Анёл Гасподні”. Пантыфік
прыпомніў, што Маравія, рэгіён “па братэрску” спалучаны з Чэхіяю ёсьць зямлёю намечанаю
хрысьціянскаю вераю ад часоў Сьвятых Кірыла і Мятода. Гаворыцца, што рытм сучаснага
жыцьця накіроўваецца да таго, каб зацерці сьляды мінуўшчыны, якая багатая ў веру.
Важнае аднак тое, каб не траціць з поля бачаньня ідэалу, які выказвалі традыцыйныя
народныя звычаі, але перад усім трэба зьберагаць духоўную спадчыну, якую вы атрымалі
па продках, каб зьберагаць яе і нават зрабіць тое, каб адказвала патрабаваньням сёньняшніх
часоў”- сказаў Сьвяцейшы Айцец. Ды пералічыў мараўскія санктуарыі: Вэлеград, Сьвяты
Копэчэк каля Аламоўца і Гостынь а таксама душпастырскае падарожжа Яна Паўла ІІ па
гэтых землях. “Жадаю думкаю прыблізіць навучаньне майго пашаныгоднага Папярэдніка
і паклікаць вас, каб асталіся вы вернымі свайму хрысьціянскаму пакліканьню і Эвангэльлю
з мэтаю пабудовы будучыні салідарнасьці і міру”.- сказаў Папа. Пасьля Сьвятой Імшы
Бэнэдыкт 16 вярнуўся ў Прагу.