Venezuela në alarm për sulme të mundshme nga Kolumbia.
(10.11.2009 RV)Përsëri tensione ndërmjet Venezuelës dhe Kolumbisë, pas vënies
në gjendje gatishmërie të ushtrisë venezuelane nga frika e ndonjë sulmi kolumbian.
Por qeveria e Bogotasë e përgenjështroi lajmin dhe iu përgjigj akuzave të Venezuelës
duke thënë se do të protestojë pranë Organizatës së Shteteve Amerikane si edhe pranë
Këshillit të Sigurisë së OKB-së. Ka kohë që presidenti i Venezuelës Çavez kritikon
Kolumbinë dhe presidentin Uribe, në mënyrë të veçantë për lejen që u ka dhënë amerikanëve
të përdorin shtatë baza ushtarake kolumbiane.