Агульная аўдыенцыя Свяцейшага Айца ў сераду 23-га снежня

Адбылася яна ў зале імя Папы Паўла 6-га. Прыбыло на яе многа паломінікаў і вернікаў з кожнага кутку свету.
Асноўнаю падзеяю, на якой абапіраецца наша вера і надзея ,- сказаў ў сваёй сённяшняй катахэзе Бэнэдыкт 16,- ёсць Уваскрасенне Хрыста, цэлебраванае ў Літургіі ад пачаткаў хрысціянства

Ад ІV стагоддзя Літургія Касцёла звяртае ўвагу таксама на значэнне Божага Нараджэння. Першы раз дату народзін Езуса, 25-га снежня, ўспамінае Рымскі тэолаг Іпаліт у 204-м годзе ў камэнтарыі да Кнігі Данііла.
Асаблівага значэння набірае Божае Нараджэнне ў часах Святога Францішка Асізкага, які стварыў упершыню славутую батлейку ў горадзе Грэччо ( Італія). Гэтая традыцыя ператрывала да нашых часоў.
Божае Нараджэнне прыпамінае аб любові Пана, Які зыйшоў з неба, нарадзіўся як дзіця, каб сваёю любоў”ю перамагчы зло і прывярнуць нам страчаную годнасць Божых Дзяцей. Падыходзячы да батлейкі Езуса,- сказаў на заканчэнне сваёй катахэзы Папа,- здолейма пазнаць ў Ім Пана, Які прыходзіць да нас.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.