Ватыкан. Папа Бенедыкт 16 прыняў на спецыяльнай аўдыенцыі ўдзельнікаў агульнанага
пасяджэння Папскіх Aкадэмій, прысвечанага праблеме тэалагічнай фармацыі святароў.
"Неабходна, каб Папскія Aкадэмічныя ўстановы ў цяперашні час , больш чым калі-небудзь,
засяроджваліся на жыццёва важных, актыўных ды вострых пытаннях у грамадстве і культуры,
якіх патрэбуе дух.Ад Касцёла чакаюць , каб быў здольны забяспечыць належны і каштоўны
ўклад у развіццё,ён павінен памнажаць усе сілы і рэсурсы для сапраўднага хрысціянскага
гуманізма ",- зазначыў Святы Айцец. Хрысціянскі гуманізм дае важкія падставы жыцця
і надзеі, асабліва для новых пакаленняў, параненых рэлятывізмам і суб'ектывізмам
, які дамінуе ў сучаснай культуры і нават адукацыі. Адсутнасць ідэалаў і маральных
арыенціраў, ад чаго пакутуе асабліва грамадскае жыццё, адбіваецца на навучанні маладога
пакалення, - было зазначана на сустрэчы. Дык тэрмінова неабходным ёсць аднавіць
найважнейшыя ўмовы для таго, каб навучанне магло адпавядаць ідэалам ды прапаноўвала
і давала практыку рэальных каштоўнасцей і праўды, што стварала б важкія падставы
любові да жыцця і надзеі, прычым, гэхта павінна тычыцца ўсіх, асабліва маладых людзей. Святы
Айцец Бэнэдыкт XVI звярнуў увагу на тое, што сучасная культура і самі вернікі сёння
ў вялікай ступені патрабуюць непасрэднага ўдзелу Касцёла ў розных галінах , у прыватнасці,
філасофскіх і тэалагічных. Моладзі неабходна яскравае вывучэнне гісторыі, сведчанні
першых хрысціян, прыклад мучанікаў, а таксама дыялог хрысціянскай веры з мастацтвам
і наогул творчасцю. Менавіта крэатыўнасці Папа прысвяціў сваю сустрэчу з дзеячамі
культуры і мастацтва ў Сікстынскай капліцы 21 лістапада 2009 года. Bажна паглыбляць
даследаванні, каб стварыць магчымасць для «рацыянальнага правядзення дыялога і паспяховага
абмену думкамі па розных пытаннях, клапоцячыся пра агульную карысць і развіццё». Святы
Айцец асабліва падкрэсліў важнасць належнай падрыхтоўкі моладзі, адзначыўшы, што яна
павінна засноўвацца на «сапраўдных каштоўнасцях і праўдзе, моцных аргументах жыцця
і надзеі, якія могуць і павінны зацікавіць усіх, найперш маладых людзей». Гэта павінна
рэалізавацца і ў фармацыі кандыдатаў на святарства, як паказаў Год святарства. Звяртаючыся
да постаці і дзейнасці святога Тамаша Аквінскага, Папа зноў прыпомніў, што духоўная
спадчына і прыклад гэтага святога сведчаць аб важнасці ведання наяўных праблем грамадства
з мэтай знайсці «адпаведныя і творчыя адказы». Для гэтага Папскія Акадэмічныя ўстановы
павінны быць жывымі, здольнымі да вывучэння як пытанняў грамадскіх і культурных,
так і патрэбаў Касцёла, каб «укараняць, выкарыстоўваючы ўсе сілы і сродкі, сапраўдны
хрысціянскі гуманізм». Дададзім, што за апошнія 20 гадоў у Папскіх універвітэтах
атрымала адукацыю некалькі соцень беларускіх юнакоў і дзяўчат.