Святы Айцец Бэнэдыкт XVI наведае Турын 2 мая 2010 года. Тут ад 10 красавіка па
23 мая выстаўлена для публікі Турынская плашчаніца.
Малітва ля Плашчаніцы, Святая Імша на плошчы і паўдзенная малітва Каралева Неба,
сустрэча з маленькімі пацыентамі клінікі Коттоленго і з моладдзю арцыдыяцэзіі: такія
асноўныя моманты візіту Бэнэдыкта XVI у Турын, запланаванага на нядзелю 2 мая. Гэта
будзе унікальная магчымасць для ўсіх сустрэцца ў Папам, памаліцца разам з ім і пачуць
яго пасланне да Сусветнага Касцёлу, да турынскай Царквы і да грамадзянскай супольнасці
Пьемонту. Бэнэдыкт XVI звернецца са словамі суцяшэньня да тых, хто пакутуе, падкрэсліўшы
тэму выстаўлення Плашчаніцы - Passio Christi, Passio hominis, (пакуты Хрыста - чалавечыя
пакуты) - і, у духу сваёй энцыклікі Caritas in veritate, скажа слова aбaдзёрвання
тым, "хто жыве ў страху страціць працу , у прыватнасці, ў гэтым горадзе , дзе больш
за ўсё адчуваюцца наступствы эканамічнага крызісу ". Яшчэ мінулым летам Папу ў горнай
мясцовасці Італіі- Аосце наведаў арцыбіскуп-мітрапаліт Турына Северыно Палетто, які
перадаў яму афіцыйнае запрашэнне. Арцыбіскуп Палетто тады расказаў, як ідзе падрыхтоўка
для бяспечнага дэманстравання найкаштаўнейшай рэліквіі чалавецтва - плашчаніцы.
Турынская плашчаніца — цалун - гэта пахавальнае палатно памерам у чатыры метры, у
якое пасля катавання і смерці на крыжы было загорнута цела хрысціянскага мучаніка
, як лічаць хрысціяне – гэта было чалавечае цела Езуса Хрыста. З 1578 г. гэтая рэліквія
захоўваецца ў катэдральным касцёле святога Яна Хрысціцеля ў Турыне, належачы каралеўскай
сям'і. Пасля смерці апошняга караля Італіі Умбэрто ІІ (1904–1983 гг.), згодна з яго
тэстамэнтам, Плашчаніца перайшла ва ўласнасць Апостальскай Сталіцы. «Красамоўную і
ашаламляльную выяву невымоўнага болю» Папа Ян Павел ІІ перадаў у 80 гады 20 стагоддзя
на захаванне пад адказнасць арцыбіскупа Турынскай дыяцэзіі. Арганізатары
спадзяюца, што цяпер за 40 дзён цалун убачаць і памоляцца ля яго 2 з паловай мільёны
чалавек – хрысціянаў розных намінацый і турыстаў. У папярэдні раз у 2000 годзе Турынская
плашчаніца выстаўлялася з нагоды Вялікага Хрыстова юбілею. У 20 стагоддзі рэліквію
адкрывалі для вернікаў 4 разы. У 1998 годзе адным з паломнікаў да плашчаніцы быў Папа
Ян Павел 2