Ակնարկ Մը Ազգային Ու Միջազգային Դէպքերուն։

Ակնարկ Մը Ազգային Ու Միջազգային Դէպքերուն։
ՍԵՐԺ ՍԱՐԳՍԵԱՆ ՎԱՇԻՆԿԹԸՆԻ ՄԷՋ ։
Հայաստանի նախագահ Սերժ Սարգսեանի գլխաւորած պատուիրակութիւնը երէկ մեկնած է Միացեալ Նահանգներ, ուր այսօր կը սկսի Կորիզային Վեհաժողովը։ Կ՝ակնկալուի, որ վեհաժողովի շրջագիծին մէջ Սարգսեան հանդիպում ունենայ Միացեալ Նահանգներու նախագահ Պարաք Օպամայի եւ Թուրքիոյ վարչապետ Ռեճեփ Թայիփ Էրտողանի հետ։ Օրակարգին վրայ պիտի ըլլան հայ - թրքական յարաբերութեանց կարգաւորման եւ Հայոց Ցեղասպանութեան վերաբերող հարցեր։
Սարգսեան –էրտողան հանդիպումը Վաշինկթընի մէջ տեղի կ՝ունենայ այսօր Ապրիլ 12, Երեւանի ժամով,ժամը՝18.30ին. իսկ երեկոյան Սերժ Սարգսեանը կը մասնակցի ԱՄՆ նախագահի սարքած ընթրիքին։ Սերժ Սարգսեանի գլխաւորած Հայաստանի Պատուիրակութեան մաս կը կազմեն՝ արտգործ-նախարար Էդուարդ Նալբանդեանը, ՀՀ նախագահի աշխատակազմի ղեկավարի տեղակալ Վիգեն Սարգսեանը,եւ ԱՄՆ-ի մօտ ՀՀ դեսպան Թաթուլ Մարգարեանը:
ՍԵՐԺ ՍԱՐԳՍԵԱՆԻ ՑԱՒԱԿՑՈՒԹԻՒՆԸ ԼԵՀԱՍՏԱՆԻ ԺՈՂՈՎՈՒՐԴԻՆ ։
Հայաստանի Նախագահ Սերժ Սարգսեան Լեհաստանի Խորհրդարանի Նախագահ Պրոնիսլավ Խոմորովսքիի յղած իր ցաւակցական հեռագրին մէջ կը գրէ հետեւեալը.
՝՝Բաժնեկցելով Ձեր եւ Լեհաստանի ժողովրդի վիշտն ու ցավը` մաղթում եմ շուտափույթ ապաքինում այս դաժան փորձությունից,իսկ զոհերի հարազատներին ու մերձաւորներին տոկունութիւն եւ ոգուարիութիւն։
«Խորապես ցնցված եմ այսօր առավոտյան տեղի ունեցած ավիավթարից, որի հետեւանքով զոհվեցին Լեհաստանի Հանրապետության Նախագահը, նրա տիկինը, պատգամավորներ, լեհ բարձրաստիճան պաշտոնյաներ եւ լեհ ժողովրդի բազմաթիվ արժանավոր զավակներ:Հայաստանի Հանրապետության ժողովրդի եւ անձամբ իմ անունից խորին ցավակցություն եմ հայտնում Ձեզ, զոհվածների ընտանիքներին եւ ողջ լեհ ժողովրդին:Ընդունեք խնդրեմ, մեծարգոյ պարոն Պրոնիսլավ , խորին հարգանքներիս հավաստիքը»: Երէկ՝ Լեհաստանի նախագահին դագաղը հասաւ հայրենիք,տակաւին չէ ստուգուած նախագահի կողակիցին Մարիայի մարմինը,ուստի տակաւին յստակ չէ յուղարկաւորութեան թուականը։ Միւս կողմէ Լեհաստանի նախագահի պաշտօնակատար, Խորհրդարանի նախագահ Պրոնիսլաւ Խոմորովսքի յայտնեց, որ յառաջիկայ 14 օրուան ընթացքին պիտի հրաւիրէ երկրին մէջ կանխահաս ընտրութիւններու, որոնք տեղի պէտք է ունենան յայտարարութենէն 60 օր ետք։
ՀԱՅԱՍՏԱՆԻ ԱԶԳԱՅԻՆ ԺՈՂՈՎԻ ՆԱԽԱԳԱՀԸ ՊԱՇՏՕՆԱԿԱՆ ԱՅՑԵԼՈՒԹԵԱՄԲ ՄԸ ԺԱՄԱՆԵՑ ԼԻԲԱՆԱՆ ։
Հայաստանի Ազգային ժողովի նախագահ Յովիկ Աբրահամեան՝ ընդառաջելով Լիբանանի խորհրդարանի նախագահ Նեպիհ Պըրրիի հրաւէրին, երէկ երեկոյեան երկօրեայ պաշտօնական այցելութեամբ մը ժամանեց Լիբանան։ Պէյրութի միջազգային օդակայանին մէջ, Յ .Աբրահամեան եւ անոր ընկերակցող պատուիրակութիւնը, որուն մաս կազմեցին ՀՅԴ Բիւրոյի անդամ, Հայաստանի Ազգային ժողովի ՀՅԴ խմբակցութեան ղեկավար Վահան Յովհաննիսեան, Հայաստանի մէջ Լիբանանի դեսպան Կապրիէլ Ժաարա եւ Լիբանանի մէջ Հայաստանի դեսպան Աշոտ Քոչարեան, դիմաւորուեցան Նեպիհ Պըրրիի, Հայկական երեսփոխանական պլոքի ներկայացուցիչ, երեսփոխան Յակոբ Բագրատունիի, Հայկական երեսփոխանական պլոքի անդամ Արթիւր Նազարեանի եւ երեսփոխաններ Ապտել Լաթիֆ Զէյնի ու Միշել Մուսայի կողմէ։ Նեպիհ Պըրրի ընթրիք մը սարքեց ի պատիւ Յ. Աբրահամեանի եւ անոր ընկերակցող պատուիրակութեան։
ԳԵՐՄԱՆԻՈՅ ՄԷՋ ԿԸ ՑՈՒՑԱԴՐՈՒԻ ՀԱՅԿԱԿԱՆ ՑԵՂԱՍՊԱՆՈՒԹԵԱՆ ՀԱՅՈՂ ԺԱՊԱՒԷՆ ՄԸ ։ (Մարմարա).
7 Ապրիլին Գերմանիոյ Պապիլոն շարժանկարի սրահին մէջ ցուցադրուած է վաւերագրկան ժապաւէն մը Հայկական Ցեղասպանութեան հայող։ Ժապաւէնը որ կը կոչուի ՝՝ժողովուրդի մը սպաննութիւնը՝՝ 90 վայրկեան տեւողութիւն ունի ու նկարահանուած է գերման բեմադրիչներու կողմէ 2009-2010 թուականներուն։ Ժապաւէնի կալայի ցուցադրութեան ներկայ գտնուած են գերման քաղաքագէտներ,օտար դիւանագէտներ եւ գերմանիոյ հայ գաղութի ներկայացուցիչներ։ Ներկայացուէն վերջ ելոյթներ ունեցած են Հայաստանի Դեսպանը Գերմանիոյ մօտ Արմէն Մարտիրոսեան եւ ժապաւէնին բեմադրիչը Էրիք ֆրիտլէր։ Այս առաջին ներկայացման գիշերը յատկապէս աչքառու եղած է գերման քաղաքական գործիչներու մեծաթիւ ներկայութիւնը։ Յառաջիկայ օրերուն ժապաւէնը պիտի ցուցադրուի Գերմանիող բոլոր քաղաքներուն ու այլ երկիրներու մէջ եւս։