Afganistan: Obama mbështet Karzain si partner kundër Al-Kaedës.
(15.04.2010 RV)“Mendoj se presidenti Karzai është i aftë të drejtojë dhe ta
stabilizojë vendin ndonse misioni i tij është i vështirë”. Kështu u shpreh Presidenti
amerikan Barak Obama në një intervistë të gjatë dhënë televizionit kombëtar australian
Abc gjatë së cilës i hodhi poshtë akuzat se koalicioni që udhëhiqet nga SHBA nuk po
bën përparime në Afganistan. Obama gjithashtu theksoi se në Afganistan situata po
shkon drejt përmirësimit dhe ripohoi planin e tërheqjes së trupave amerikane nga ky
vend në vitin 2011. Nga ana tjetër sot bëhet e ditur se katër ushtarë gjermanë u vranë
nga talebanët në një sulm me antitank.