Papa e Ungjilli në liturgjinë e festës së Shën Martës: dëgjimi i Fjalës së Zotit është
parësor dhe frymëzon bamirësinë
(29.07.2010 RV)Kisha Katolike kremtoi
sot festën liturgjike të shën Martës. Në Ungjillin e sotëm dalin në pah fjalët, me
të cilat Jezusi e kritikon mirësisht Martën, e cila nuk diti të zgjedhë “pjesën më
të mirë”, atë të dëgjimit të Fjalës së Zotit, siç bëri e motra, Maria. Duket sikur
Marta, që i kushtohet shërbimit e punëve të shtëpisë, ka të drejtë, por Ungjilli nuk
është kurrë kaq i thjeshtë e bëhet i papritur me fjalët që Jezusi i thotë Martës,
ku, siç shpjegoi Benedikti XVI në Engjëllin e Tënzot të së dielës së kaluar: “…
nuk ka përbuzje për jetën aktive, e aq më pak për mikpritjen bujare; por tërhiqet
vëmendja ndaj faktit se e vetmja gjë vërtet e nevojshme është diçka tjetër: dëgjimi
i Fjalës së Zotit; e Zoti në atë çast është aty, i pranishëm në Personin e Jezusit!
Gjithçka do të kalojë e do të na merret, por Fjala e Zotit është e amshuar dhe i jep
kuptim veprimtarisë sonë të përditshme” (Lutja e Engjëllit të Tënzot, 18 korrik 2010)