Վատիկանի մէջ Իրագի զոհերու նուիրուած Սուրբ Պատարագ

25 նոյեմբերին Ասորի Կաթողիկէ եկեղեցւոյ նախաձեռնութեամբ Վատիկանի Սուրբ Պետրոս Տաճարին մէջ Արեւելեան Եկեղեցիներու ժողովի նախագահ` Կարտինալ Լէոնարտօ Սանտրին կը գլխաւորէ սուրբ պատարագի արարողութիւնը նուիրուած Պաղտատի Սայետէդ էլ Նաժադ եկեղեցւոյ` անցեալ 31 հոկտեմբերի ահաբեկչական արարքի զոհ եղող քահանաներուն եւ հաւատացեալներուն հոգւոյն։Կարտինալին հետ կը համապատարագէ Եուսէֆ Գ Եունան` Անտիոքի Ասորիներու Պատրիարքը որ Հռոմ ժամանած է այցելելու վիրաւոր հաւատացեալներու խումբ մը որոնք Հռոմի Ակոսդինո Ճէմէլլիի հիւանդանոցը փոխադրուած են դարմանումներ ստանալու նպատակով։
Այս Սուրբ Պատարագը, յայտարարած է Կարտինալ Սանտրին, հոգեւոր մօտիկութեան նշան մըն է Իրագի քրիստոնեներուն որոնք տակաւին կը հաւատան համերաշխ ապրելու կարելիութեան, վկայելով նաեւ թէ զոհուած հաւատացեալներուն արիւնը դառնայ խաղաղութեան հունտ մը այն տարապեալ երկրի հողատարծքին վրայ։
Ահաբեկչական արարքի զոհերու թիւն է` 58 մեռեալ եւ 80 վիրաւոր որոնց շարքին կան նաեւ 3 քահանաներ։
Սրբազան արարողութեան իրենց մասնակցութիւնը պիտի բերեն ֆրանսայի Հայ Կաթողիկէ Թեմի առաջնորդ Գերապայծար Գրիգոր Ղապրոյան եւ Գերապայծառ Օգոստինոս Գուսան Առաջնորդը Եգիպտոսի Հայ Կաթողիկէ Թեմին։