Çmimi Nobel për paqen nuk mund të tërhiqet nga fituesi, por nga lideri kinez i protestave
në Tienanmen
(07.12.2010 RV)Komiteti norvegjez, që jep Çmimin Nobel për paqen, lajmëroi
sot se 19 vende do të bojkotojnë ceremoninë e dorëzimit të çmimit për fitimtarin e
këtij viti, disidentin kinez Liu Ksiaobo. 54-vjeçari ndodhet në burg, i dënuar
më 11 vjet burgim, për shkrimet e tij pro demokracisë. Kina e konsideron kriminel.
Përveç Pekinit, në ceremoninë e dorëzimit të Çmimit Nobel nuk do të marrin pjesë Rusia,
Serbia, Kazakistani, Kolumbia, Tunizia, Arabia Saudite, Pakistani, Iraku, Irani, Vietnami,
Afganistani, Venezuela, Filipinet, Egjipti, Sudani, Ukraina, Kuba dhe Maroku. Meqë
edhe gruaja e Liu Ksiaobo është në arrest shtëpiak dhe dy vëllezërve nuk do t’u lejohet
të dalin nga Kina, më 10 dhjetor, dita e dorëzimit të çmimit, do të jenë të pranishëm
rreth 40 refugjatë kinezë dhe ish-krerët e lëvizjes studentore të Tienanmenit. Njëri
prej tyre, Jan Zhianli, do të marrë në dorëzim çmimin.