Егіпет: Касцёл імкнецца высветліць непаразуменні з “Аль-Азхар”
Каталіцкі Касцёл у
Егіпце засмучаны рашэннем ісламскага ўніверсітэта “Аль-Азхар” "замарозіць" дыялог
са Святым Пасадам, аднак, упэўнены, што ён адновіцца - піша на старонках агенцтва
“AsiaNews” яго дырэктар кс. Бернарда Чэрвэллера.
Кс. Чэрвэллера адзначае, што
егіпецкія ўлады, так як і “Аль-Азхар”, сфарміравалі сваё меркаванне на падставе інфармацыі
тэлеканала “Аль-Джазіра” і заходніх СМІ, якія няправільна прадставілі зварот Бэнэдыкта
XVI 2 студзеня. У ім Папа не заклікаў заходнія ўрады да абароны хрысціянаў, але кіраўніцтва
некаторых краін культываваць дух сапраўднага супакою, за які трэба няспынна маліцца
і адмовіцца ад любога гвалту. "Святога Айца не можна абвінавачваць у тым, што заклікаў
да новага крыжовага паходу", - кажа дырэктар “AsiaNews”.
Кс. Чэрвэллера цытуе
экспертаў, якія лічаць, што "замарожванне" дыялогу з'яўляецца дымавой завесай, якая
мае на мэце схаваць адказнасць егіпецкіх уладаў за тэракт у Александрыі. З першага
моманту ўрад у Каіры звяртаў увагу на дзейнасць знешніх фактараў. Але гэта зусім не
так, бо егіпецкія хрысціяне падвяргаюцца дыскрымінацыі ў многіх адносінах (будаўніцтва
храмаў, рамонты, прысутнасць у грамадскім жыцці і г.д.). Урад не супрацьстаіць нарастаючаму
фундаменталізму, які становіцца пажыўным асяроддзем для тэрарызму. Каталіцкі Касцёл
на наступны дзень пасля нападу ў Александрыі звярнуўся да ўладаў распрацаваць новае
заканадаўства аб рэлігійным будаўніцтве, змяніць навучальную праграму, каб у ёй не
было элементаў, якія з'яўляюцца глебай для дыскрымінацыі, а таксама ўвесці эфектыўнае
пакаранне за распальванне фанатызму. "На жаль, урад у Каіры адмаўляецца прымаць сур'езна
праблемы дыскрымінацыі", - шкадуе дырэктар “AsiaNews”.
Кс. Чэрвэллера адзначае,
што ёсць некаторае падабенства ў пазіцыі егіпецкага і заходніх урадаў, якія пасля
тэрактаў у Багдадзе і Александрыі асудзілі тэрарызм, не разумеючы, што галоўная праблема
ў тым, што ўрады аддаюць перавагу прысвячэнню хрысціянаў у імя падтрымання балансу
ў адносінах з мусульманскім светам. "Яны не падтрымліваюць рэлігійную свабоду, а,
наадварот, пакідаюць пустую прастору для фанатызму", - кажа сьвятар. Ён адзначае,
што Апостальская Сталіца заклікае ўрады заходніх краін не выкарыстоўваць санкцый або
ваенных дзеянняў, але ўмацоўваць міжкультурны дыялог, падтрымліваць адукацыю (сферу,
дзе ўсё больш і больш прысутнічае "Аль-Каіда).
Па словах кс. Чэрвэллеры, у
гэтай сітуацыі асаблівае значэнне мае кастрычніцкая сустрэча ў Асізі, якая паказвае,
што рэлігіі не з’яўляюцца для свету праблемай, але багаццем, што свету не пагражае
непазбежны канфлікт цывілізацый. Гэта пазітыўная прапанова барацьбы з сучасным тэрарызмам
і секулярызмам, - кажа дырэктар агенцтва “AsiaNews”.