Бэнэдыкт XVI падпісаў новы закон аб ватыканскім грамадзянстве
З 1 сакавіка 2011
г. асобы, якія пражываюць у дзяржаве Ватыкан не будуць аўтаматычна набываць яго грамадзянства.
Гэта вынікае з “Закона аб грамадзянстве, пражыванні і доступе да Ватыкана”, які падпісаў
папа Бэнэдыкт XVI 22 лютага гэтага года.
Новы закон прадугледжвае, што члены
сям’яў, якія выконваюць абавязкі або нясуць службу ў Ватыкане больш не набываюць грамадзянства
Ватыкана аўтаматычна, як гэта было раней. Зараз для гэтага неабходна звярнуцца з адпаведнай
просьбай. Паводле закона грамадзянамі Ватыканскай дзяржавы лічацца кардыналы, якія
пражываюць на тэрыторыі Ватыкана ці Рыма, дыпламаты Апостальскай Сталіцы, а таксама
асобы, якія жывуць на тэрыторыі Ватыкана, спаўняючы абавязкі або праходзячы службу.
На
сённяшні дзень Ватыкан налічвае 572 грамадзяніна, на яго тэрыторыі пражывае 444 асобы,
з якіх 221 не мае ватыканскага грамадзянства. Кожны год на тэрыторыю Дзяржавы Ватыкан
уязджае каля 2 мільёнаў аўтамабіляў.