Երէկ կիսաւեր եւ խոնաւ տնակներու մէջ ապրող վանաձորցի 20 ընտանիքներ «Վիվասել-Էմ. Թի.
Էս.»ի շնորհիւ բնակարանամուտ տօնեցին նորակառոյց շէնքի մը մէջ: Ըստ ընկերութեան հրապարակած
մամլոյ հաղորդագրութեան, հայկական ընկերութեան բարի կամքին շնորհիւ կարելի դարձաւ օգնել
20 անօթեւան ընտանիքներու, որոնք տեղափոխուեցան իրենց բարեկարգ եւ յարմարաւէտ բնակարանները`
լեցուած նոր հաւատքով եւ նոր երազներով: Հայաստանի յառաջատար բջիջային ընկերութիւնը
210 միլիոն դրամ յատկացուցած էր Վանաձորի մէջ նորակառոյց շէնքի մը մէջ անօթեւան մարդոց
համար 20 բնակարան ձեռք բերելու համար: «Մենք կրնանք երազել եւ իրականութիւն դարձնել
մեր երազները, քանի որ կը հաւատանք Հայաստանի ապագային եւ կը մտածենք մեր ազգին մասին»,
ըսաւ ընկերութեան ընդհանուր տնօրէն Ռալֆ Եիրիկեան