«Հայաստան Պատրաստ՝ Լիպիոյ Բնակչութեան Մարդասիրական Օժանդակութիւն Տրամադրելու
»Կ՝ըսէ Տիգրան Բալայեան։
Հայաստանի արտաքին գործոց նախարարութեան մամլոյ քարտուղար Տիգրան Բալայեան` մեկնաբանելով
Միջին Արեւելքի եւ Լիպիոյ մէջ տեղի ունեցող զարգացումները, «Յենարան» կայքէջին յայտնած
է. «Մենք ուշադրութեամբ կը հետեւինք Միջին Արեւելքի եւ Հիւսիսային Ափրիկէի մէջ տեղի
ունեցող իրադարձութիւններուն: «Այդ շրջանը աշխարհագրականօրէն Հայաստանին բաւական
մօտ կը գտնուի, այդ երկիրներուն մէջ կան հոծ հայ համայնք, այդ շրջանի ժողովուրդներուն
հետ հայ ժողովուրդը ունի աւանդական բարեկամական կապեր: «Մենք կողմ ենք, որ բոլոր հարցերը
լուծուին երկխօսութեան, բանակցութիւններու, ներազգային համերաշխութեան միջոցով: «Նկատի
ունենալով Լիպիոյ մէջ ծաւալող զարգացումները` մենք կը պատրաստուինք անհրաժեշտութեան պարագային
այդ երկրին բնակչութեան մարդասիրական օժանդակութիւն տրամադրելու»: