Арцыбіскуп Антоніо
Марыя Вэльё, старшыня Папскай рады пастырства эмігрантаў і падарожнікаў, аналізуючы
міжнародную сітуацыю, якая склалася ў апошні час, адзначае, што “жыхары Іраку не хочуць
заставацца ў сваёй краіне і пакідаюць яе са страху. Людзі, якія ўцякаюць, належаць
не толькі да хрысціянскай меншасці, гэта таксама мусульмане, што мае сур’ёзныя наступствы
для іракскага грамадства, усяго народа і для кожнага паасобнага чалавека.
Паводле
ватыканскага іерарха, “праблема бежанцаў напрыклад у Іарданіі заключаецца ў тым, што
яны могуць заставацца ў краіне як госці, без права на працу. Гэта забарона спрычыняецца
да іх абсалютнай беднасці і адсутнасці сродкаў да жыцця. Наступствы аказваюцца трагічнымі.
Зразумела, што гэтыя асобы не могуць інтэгравацца ў іарданскае грамадства”.
Арцыбіскуп
звярнуўся таксама да тэмы Кот-д’Івуара. Гэта краіна, паводле іерарха, стала закладнікам
драматычных падзей, якія пачаліся пасля прэзідэнцкіх выбараў. Невыкананне іх вынікаў
прывяло да ваенных дзеянняў і вялікай колькасці ахвяраў.
“Мясцовы Касцёл намагаецца
дапамагчы уцекачам, але яму не хапае матэрыяльных і персанальных сродкаў”, - лічыць
арцыбіскуп Вэльё. “Трэба падумаць, як дапамагчы тысячам людзей”. Кардынал Петэр Тарксан,
старшыня Папскай рады “Iustitia et Pax”, спрабуе ўжо некалькі дзён ад імя Папы прыбыць
у Кот-д’Івуар, каб дапамагчы ажыццявіць праграму супрацоўніцтва паміж старай і новай
уладамі.
На заканчэнне іерарх выказаў думку, што “Еўропа павінна сур’ёзна падумаць
аб тым, што значыць заставацца ў рэгіёнах, з якіх уцякаюць людзі. Як правіла, бежанцы
накіроўваюцца ў суседнія краіны. Гэта азначае, паводле іерарха, што Еўропа павінна
прыняць на сябе адказнасць за выкананне абвязкаў па бароне уцекачоў і паказаць свету,
што азначае салідарнасць і сумеснае вырашэнне праблемаў”.