14 мая стаў вядомы
расклад публічных набажэнстваў, якія ўзначаліць Бэнэдыкт XVI у перыяд з мая па верасень
2011 г. 26 мая, Святы Айцец памоліцца малітвай ружанца ў базыліцы Маці Божай Вялікай
у Рыме і здзейсніць акт пасвячэння Італіі Багародзіцы. Гэта набажэнства, у якім прымуць
удзел таксама члены Канферэнцыі Каталіцкіх Біскупаў Італіі, будзе прымеркавана да
святкавання 150-годзя аб’яднання гэтай краіны. 4-5 чэрвеня, у рамках апостальскага
візіта, Пантыфік будзе прыбываць у Харватыі. Святы Айцец таксама, узначаліць Літургію
ў базыліцы св. Пятра ва ўрачыстасць Спаслання Духа Святога, якая адбудзецца 12 чэрвеня,
а потым, 19 чэрвеня, здзейсніць пастырскі візіт у Рэспубліку Сан-Марына. Таксама ў
чэрвені, Бэнэдыкт XVI узначаліць эўхарыстычную працэсію і св. Імшу ва Урачыстасць
Цела і Крыві Хрыста, 23 чэрвеня, і літургію у гонар св. Пятра і св. Паўла 29 чэрвеня.
У
жніўні, у свята Унебаўзяцця Найсвяцейшай Панны Марыі, Папа ўзначаліць св. Імшу, якая
пройдзе ў парафіяльным касцёле св. Тамаша з Аквіну ў Кастэль Гандольфа. Тры дні Святы
Айцец правядзе разам з пілігрымамі, якія прыбудуць на Сусветныя дні моладзі ў Мадрыдзе.
Нарэшце, ў верасні ў Бэнэдыкта XVI запланаваны два падарожжы: пастырскі візіт
у італьянскую Анкону, і трохдзённы апостальскі візіт у Германію.