Кенія: насельніцтва і бежанцы змагаюцца за прадукты харчавання
У Кеніі з-за пануючага
голаду адбываюцца ўсё больш жорсткія сутыкненні паміж мясцовым насельніцтвам і бежанцамі,
якія прыбылі з іншых краін, ратуючыся ад засухі. "Барацьба ідзе за харчаванне і ваду,
бо гаворка ідзе аб чыстым выжыванні", - патлумачыў кс. Джордж Таранііл, салезіянін.
Па яго словах, народ Кеніі мае патрэбу ў тэрміновых гуманітарных грузах, такіх як:
вада, кукуруза, фасоля, цукар, соль і медыкаменты.
Кенія перажывае трэці, так
званы, сезон дажджоў, які праходзіць без дастатковай колькасці ападкаў. Рост цэн на
харчаванне і адсутнасць інфраструктуры зрабілі ежу амаль недаступнай. Акрамя таго,
у краіну прыбываюць тысячы людзей з суседніх Самалі і Эфіопіі, якія ратуюцца тут ад
голаду. Па падліках міжнародных арганізацый, у Кеніі ў бліжэйшыя месяцы будуць патрабаваць
харчовай дапамогі каля 3,5 млн. чалавек.
"Важна, каб мы падтрымалі людзей у
Кеніі, Самалі, Эрытрэі і Эфіопіі, у бліжэйшы час", - сказаў Рэйнхард Хайзэрэр, кіраўнік
салезіянскай дабрачыннай арганізацыі “Моладзь адзіны свет”, якая займаецца дапамогай
народу Кеніі.