Ոչ Եւս Է Կարտինալ Տեսքուր, Սերտ Բարեկամը Յովհաննէս Պօղոս Բ Քահանայապետին։

3 սեպտեմբեր 2011-ին Հռոմի մէջ հոգին աւանդեց 87 տարեկան կարտինալ Տեսքուր, որ եղած է նախագահը ընկերային հաղորդակցութեանց քահանայապետական խորհուրդին։
Ի լուր անոր մահուան Պենետիկտոս ԺԶ Քահանայապետը կարտինալ Ճիվիշին` Գրագովիայի առաջնորդին, յղած է ցաւակցական հեռագիր մը, որով կը վերակոչէ հանգուցեալ կարտինալին անսակար նուիրումը Ս. Աթոռին ու եկեղեցւոյ։
Հանգուցեալը 1950-ին Հռոմ կանչուեցաւ պաշտօնավարելու նախ Վատիկանի Պետական Քարտուղարութեան մէջ եւ ապա նշանակուեցաւ նախագահը ընկերային հաղորդակցութեան քահանայապետական խորհուրդին։ 25 մայիս 1985-ին Յովհաննէս Պօղոս Բ Քահանայապետը զինք կարտինալ նշանակած էր։
Յայտնենք որ կարտինալ Տեսքուրի մահով կարտինալական դասը ներկայիս կը հաշուէ 193 անդամ, որոնցմէ 114ը Քահանայապետի ընտրութեան մասնակցելու իրաւունքով։
Նշենք որ Կարտինալ Տեսքուրի յուղարկաւորութիւնը տեղի կ՛ունենայ վաղը 6 սեպտեմբերի առւօտեան ժամը 11.30 Վատիկանի Սուրբ Պետրոս Տաճարի մէջ։