Італія: удзельнікі "Падворку язычнікаў" паразважаюць аб барацьбе з мафіяй
Старшыня Папскай рады
па культуры кардынал Джанфранко Равазі сказаў у інтэрв’ю Ватыканскаму радыё, што пад
канец сакавіка ў сіцылійскім Палерма адбудзецца сустрэча ў рамках ініцыятывы “Падворку
язычнікаў” прысвечаная праблеме мафіі. У мерапрыемстве, якое пройдзе пад дэвізам:
“Культура стварання права і мультікультурнае грамадства” прымуць удзел веруючыя як
і няверуючыя. Кардынал Равазі адзначыў, што выбар месца сустрэчы паказвае на тое,
што Каталіцкі Касцёл імкнецца ажывіць свае намаганні, якія скіраваныя супраць законным
паводзінам і “усялякага роду парушання закону ў краіне”. Па словах іерарха ў барацьбе
з мафіяй вялікае значэнне маюць рэлігійнае і маральнае вымярэнне, пра што сведчаць
касцельныя і культурныя мерапрыемствы ў Палерма, сталіцы Сіцыліі.
Ідэя такіх
сустрэч узнікла з ініцыятывы Бэнэдыкта XVI. У 2009 годзе Папа заявіў, што Касцёлу
трэба “нешта накшталт “Двара язычнікаў”, які быў у Ерузалемскім Храме: самы першы
ўзровень набліжэння да Бога, для тых, хто цікавіцца”. Першая сустрэча “Двору язычнікаў”
адбылася ў 2011 г. у Парыжы, а затым таксама ў Бухарэсце, Рыме і Ціране.