Koncert i West-Eastern Divan Orchester për nder të Papës Benediktit XVI
Mjeshtri Daniel Barenboim e West-Eastern Divan Orchester, e përbërë nga muzikantë
hebrenj, të krishterë e myslimanë, në ora 18.00 në Kastel Gandolfo, ofruan një koncert
për nderë të Papës Benediktit XVI, në festën e emrit të tij, që bie sot në të kremten
e shën Benediktit, Abat. Koncerti pat si program Simfoninë n. 6, Pastorale, e Simfoninë
n. 5 të Ludwig van Beethoven. I pranishëm në koncert edhe presidenti i Republikës
italiane, Giorgio Napolitano, me bashkëshorten, të cilët pas koncertit janë mysafirë
të Papës për darkë. Për moderniteti e muzikës së Beethovenit, në mikrofonin e Radio
Vatikanit flet mjeshtri Daniel Barenboim:...........
Muzika mbetët
gjithmonë bashkëkohore: simfonitë e Beethovenit nuk janë moderne sepse janë shkruar
shumë vite më parë mirëpo janë bashkëkohore në kuptimin që kanë një rëndësi për botën
e sotme. Janë shprehje e shpirtit njerëzor që nuk ndryshon, edhe pse teknologjia ka
avancuar botën e qenien njerëzore: por shpirti i njeriut ka mbet, në kuptimin më të
thellë, i njëjtë.
Duke shkuar më tej, ju e filloni koncertin me simfoninë
n. 6 të Beethovenit, partitura e së cilës – siç dihet – është më shumë shprehje ndjenjash
se pikturë...
Nuk është simfoni përshkruese, madje dihet se ndërsa po e
shkruante simfoninë pastorale Beethoven lexonte Kantin e filozofinë e tij mbi natyrën.
E është kjo që e ka frymëzuar Beethovenin, më shumë se natyra si diçka përshkruese.
Nuk është pamje e natyrës por është ndjenjë e natyrës, është ndjenjë e qenies njerëzore
para këtij fenomeni të pashpjegueshëm që është natyra. Në këtë kuptim – e nuk e them
këtë pse ekzekutojmë për Papën – vërtet është një shprehje gati fetare e shpirtërore
e natyrës e mendoj se kjo është përmbajtja e kësaj vepre.
Maestro Barenboim,
simfonia n. 5 fillon me një pauzë crome më e famshmja e muzikës: çka fshihet prapa
saj?
Nuk mund të përdorën fjalët për të folur për muzikë; sikur të mund
ta shpjegonim muzikën me fjalë, muzika nuk do të ishte e nevojshme. Natyrisht fillimi
i simfonisë shpreh një dramatizëm të madh e pikërisht kjo është një deklaratë guximi
e ekzaltimi.
Simfonia n. 5 është në do minore, ajo n. 9 është re minore.
Ekziston një lidhjes mes do minore, tonalitet tragjikë, e re minore që përmbyll simfoninë
beethoviane me një himn gëzimit, me një lutje drejtuar pozitivitetit që përkujton
besimin dhe shpresën e Beethovenit në artë e posaçërisht në muzikë, për ta shpëtuar
njerëzimin..
Kjo tipike për filozofinë beethoviane; si simfonia n.5 që
fillon në do minore e mbaron në do maggiore, si simfonia n.9 që fillon në re minore
e përfundon në re maggiore, duan të shprehin një gjë të qartë: kalimi nga kaosi në
rend, kalimi nga pasiguria tek bindja absolute. E në këtë kuptim filozofia beethobiane
është shumë pozitive.