Бэнэдыкта XVI у Ліване
з радасцю чакаюць не толькі католікі, але таксама хрысціяне іншых канфесій. Аб гэтым
паведаміў Святому Айцу праваслаўны Патрыярх Антыёхіі Ігнацый IV Хазім у лісце з нагоды
вераснёўскага падарожжа Пантыфіка. Праваслаўны іерарх выказаў вялікую ўдзячнасць Папе
за тое, што ён наведае краіну, нягледзячы на складаную і небяспечную сітуацыю на Блізкім
Усходзе. Ён таксама адзначыў, што візіт Папы нагадае ўсяму свету аб сітуацыі хрысціян
у гэтым рэгіёне. “Прысутнасць вызнаўцаў Хрыста дапаўняе цудоўную блізкаўсходнюю мазаіку
монатэістычных рэлігій”, - падкрэсліў Патрыярх у лісце да Папы. “Візіт Вашай Святасці
мае для нас асаблівае значэнне. Мы спадзяемся, што дзякуючы яму, наша слова зможа
пачуць увесь свет і асабліва свет заходні. Як Ваша Святасць убачыць, наш народ заслугоўвае
таго, каб жыць годна і паспяхова. Мы молімся аб гэтым пастаянна і пры кожнай нагодзе”,
- напісаў Ігнацый IV.
На думку праваслаўнага іерарха, мір наступіць тады, калі
ахопіць увесь свет. Менавіта таму, на яго думку, кіраўнікі Цэркваў павінны заклікаць
да міру паміж людзьмі на міжнародным узроўні.