Mbrëmë, gjatë një sulmi kundër një kishe ungjillore në Nigeri, mbetën të vrarë 19
të krishterë. Besimtarët ishin mbledhur për të lexuar Biblën, kur njerëz të armatosur
hynë në kishë dhe hapën zjarr. Akoma nuk është marrë përsipër atentati, por sekti
integralist islamik “Boko Haram” njihet si autor i akteve të tilla terroriste. Të
shtunën, kreu i sektit, Abubakar Shekau kërkoi dorëheqjen e kreut të shtetit, Gudlak
Xhnatan, duke e ftuar të bëjë pendesë e të largohet nga pushteti. Boko Haram ka hyrë
në listën e zezë të SHBA-ve, si organizatë e rrezikshme terroriste.